Եվրամիության երկրներն ուսումնասիրում են Սիրիայում նախագահ Բաշար Ալ-Ասադի տապալումից հետո երկրի նոր կառավարությունը ճանաչելու հնարավոր պայմանները: Այս մասին հաղորդում է RIA Novosti-ն՝ վկայակոչելով Բրյուսելի դիվանագիտական աղբյուրներին:
«Եվրոպացիներն արդեն մտորում են ապագա սիրիական կառավարությունը ճանաչելու պայմանների շուրջ»,- ասել է գործակալության զրուցակիցը՝ մեկնաբանելով շաբաթ օրը Կիպրոսում ԵՄ 27 երկրների արտգործնախարարների ոչ
պաշտոնական հանդիպման արդյունքները:
Դիվանագետի խոսքերով՝ իրենք ցանկանում են Սիրիայի ապագա իշխանություններից երաշխիքներ ստանալ ուժ չկիրառելու, կանանց, ինչպես նաև կրոնական և ազգային փոքրամասնությունների իրավունքները ճանաչելու վերաբերյալ:
