Ինչպես հաղորդում է Al-Arabia-ն, ուրբաթ օրը հրաժարականի մասին է հայտարարել և ապստամբների կողմն անցել Լիբիայի դատախազը: «Ես հայտարարում եմ հրաժարականի և լիբիական ժողովրդին միանալու մասին»,- ասել է նա:
Իրենց պաշտոններից հրաժարվել են ՅՈւնԵՍԿՈ-ում և Ֆրանսիայում Լիբիայի դեսպանները` անհամաձայնություն հայտնելով երկրում տեղի ունեցող բռնարարքներին:
Այսօր նաև հայտնի է դարձել, որ Քադաֆիին սատարող ուժերը կորցրել են ևս երկու քաղաք: Բենղազիից 150 կմ հեռավորության վրա գտնվող Աջդաբիայում զինվորականներն անցել են ցուցարարների կողմը` հրաժարվելով կրակել ժողովրդի վրա:
Ֆրանսիական Le Figaro-ն նաև հայտնում է, որ անվտանգության ուժերը հրաժարվել են ցուցարարների հետ հետագա մարտերից և լքել են բախման վայրը Տրիպոլիից 50 կմ դեպի արևմուտք գտնվող Ալ-Զաուիյա քաղաքում:
СNN-Turk հեռուստաընկերությանը տված հարցազրույցում Քադաֆիի որդին` Սայֆ Ալ-Իսլամը հայտարարել է, որ իր ընտանիքը չի պատրաստվում լքել երկիրը և կմնա հայրենիքում ցմահ: