Կոնտակտային լինզաների օգտագործումը կարող է տեսողական օրգանը վարակել ամեոբա մակաբույծով և կուրացնել աչքը: Այս եզրահանգման են եկել բժիշկները:
Raut.ru-ի հաղորդմամբ Acanthamoeba մակաբույծը հայտնաբերվել է ջրատար ուղիներում, փոշու և լողավազանների մեջ: Ուստի բժիշկները պնդում են, որ այդ լինզաներն անհրաժեշտ է պահել մաքուր միջավայրում:
Վարակը փոխանցվում է, եթե լինզան լվանում են սովորական ծորակից հոսող ջրով: Ակնաբույժները խորհուրդ են տալիս լինզաները լվանալ միայն հատուկ դրա համար նախատեսված միջոցով:
Մակաբույծը եղջերաթաղանթ է ներթափանցում, այնուհետև աչքի խնձորիկի արտաքին թաղանթին է հասնում` անդառնալի վնաս հասցնելով մարդու տեսողական օրգանին: Վարակվածների մոտ լինում են հետևյալ ախտանշանները` արցունքակալած աչքեր, քոր աչքերում, տեսողության վատթարացում, կոպերը ուռչում են: Աչքերը շատ զգայուն են դառնում նաև լույսի նկատմամբ:
Նշենք նաև, որ այս վարակի հետևանք կարող է հանդիսանալ նույնիսկ եղջերաթաղանթի փոխպատվաստումը` տեսողությունը փրկելու համար:
