Ռուսական Независимая Газета-ն անդրադարձել է ուկրաինա-ադրբեջանական համագործակցությանը` նշելով որ Կիևը ցանկանում է մինչ այս տարվա ամառը հստակեցնել Բաքվի հետ էներգետիկ ռազմավարական համագործակցության նախագծերը:
Կոնկրետ նախագծերի մասին հայտնի է դարձել Ադրբեջանի արտգործնախարար Էլմար Մամեդյարովի` Կիև կատարած այցի ընթացքում: Մասնավորապես, Ուկրաինայի վարչապետ Նիկոլայ Ազարովը հայտարարել է, որ համագործակցությունը ներառելու է Ադրբեջանում նավթա- և գազահանքավայրերի համատեղ շահագործումն ու դեպի Ուկրաինա էներգառեսուրսների առաքումը: Նրա խոսքով, Ուկրաինան արդեն պատրաստել է Օդեսսայի մոտ հեղուկացված գազի նոր տերմինալի շինարարության նախագիծը: Քննարկվում է նաև նույն տեղանքում նավթավերամշակող գործարանի կառուցման հնարավորությունը:
Փորձագետների կարծիքով, այս գաղափարները գոյություն ունեն դեռևս նախագահ Լեոնիդ Կուչմայի ժամանակներից, սակայն համագործակցության եզրեր երկար ժամանակ չէին գտնվում:
Օդեսսայում նավթավերամշակման գործարանի շինարարությունը կապված է այն հանգամանքի հետ, որ նախատեսվում է ադրբեջանական նավթի առաքումների ծավալը հասցնել մինչև 4 միլիոն տոննա: Ուշագրավ է, որ նախկինում ուկրաինական այս նախագծերն իրականացվելու էին լիբիական նավթի ներկրման և վերամշակման համար: Սակայն կարծիք կա, որ նավթավերամշակման նոր գործարանի անհրաժեշտություն չկա, քանի որ այս բնագավառում Ուկրաինան ավելցուկային հզորություններ ունի:
Ուկրաինա-ադրբեջանական գազային համագործակցության մասին փորձագետները կարծիք են հայտնու, որ Ադրբեջանի հետ համագործակցությունը Ուկրաինային չի փոխարինում Եգիպտոսի ու Լիբիայի պես գործընկերների կորուստը, որտեղ Нафтогаз ընկերությունն արդեն հանքավայրեր է հայտնաբերել և սկսել կապույտ վառելիքի արդյունահանումը:
Ուկրաինայի և Արդբեջանի միջև ստորագրվել է գազի առաքման հուշագիր, որի ծավալները 2017-ին պետք է հասցվի տարեկան 7 միլիարդ խորանարդ մետրի: Խոսքը գնում է նախնական , սակայն կարևոր ռազմավարական փաստաթղթերի մասին և Կիևը գործում է ներկայիս առկա պահանջարկից ելնոլով:
Փորձագետները գտնում են ,որ ուկրաինական կողմը հիմնավորապես է պատրաստվում այս տարվա մայիս-հունիս ամիսներին նախատեսված Ուկրաինայի նախագահ Վիկտոր Յանուկովիչի` Ադրբեջան կատարելիք այցին: Տարվող աշխատանքներն ուղղված են ԿԱսպյան տարածաշրջանում համաշխարհային դերակատարների հավանությանն արժանանալուն, քանի որ միայն այդ դեպքում ուկրաինա-ադրբեջանական համաձայնությունները իրականացման հնարավորություններ կունենան: