Լոս Անջելեսում տեղի է ունեցել ամերիկյան MTV հետուստաընկերության ամենամյա մրցանակաբաշխությունը: «Լավագույն տեսահոլովակ» հեղինակավոր անվանակարգում հաղթող է դարձել Ռիհաննայի We Found Love հոլովակը, որտեղ երգչուհին երգում է Քելվին Հարիսի հետ:
«Կին երգչուհիների լավագույն տեսահոլովակ» է ճանաչվել Նիկի Մինաժի Starships երգի հիման վրա նկարահանած տեսահոլովակը:
«Տղամարդկանց լավագույն տեսահոլովակ» Քրիս Բրաունի Turn Up The Music հոլովակը:
Լավագույն ռոք- տեսահոլովակ է ճանաչվել Coldplay խմբի Paradise երգի հիման վրա նկարահանված տեսահոլովակը: Հիփ-հոփներից լավագույն է դարձել Դրեյքի և Լիլ Ուայնի HYFR հոլովակը: Երկու անվանակարգերում ` լավագույն ռեժիսոր և լավագույն կինեմատոգրաֆիա հաղթող է ճանաչվել M.I.A.–ն Bad Girls հոլովակով:
Նոր սահմանված անվանակարգում` «Ցանցերում ամենատարածված տեսահոլովակը», հաղթող է ճանաչվել ընդամենը երկու տարվա պատմություն ունեցող One Direction խումբը` իր What Makes You Beautiful երգով:
