Համացանցում նոր աստղ է հայտնվել: Երեք տարեկան կատուն գտնվում է ոչ միայն սովորական օգտատերերի ուշադրության կենտրնում, այլ նաև գիտնականների` իր յուրօրինակ բնական գունավորման պատճառով:
Վեներան (այդպես է նրա անունը) կարծես երկու դեմք ունենա` դեմքի ուղիղ կեսը կարմրավուն է, իսկ մյուս կեսը` սև, տարբեր է նաև նրա աչքերի գույնը` մեկը կապույտ, իսկ մյուսը` կանաչ:
Գիտնականները չեն կարողանում հասկանալ, ինչպես է դա հնարավոր:
Կատուն «գրանցված» է Facebook-ում և Youtube-ում, բացի դրանից՝ նրա տերերը հատուկ հաշվեհամար են բացել բարեգործության համար և զբաղվում են կատուների օթևանատներին աջակցելով:
Կատուների գենետիկայի ուսումնասիրմամբ զբաղվող գիտնականները հավաստիացնում են, որ դա իսկապես բացառիկ երևույթ է: Գիտնականները մտադրություն ունեն ստուգել կատվի դեմքի երկու կողմերի ԴՆԹ-ն` վստահ լինելով, որ դրանք տարբեր են լինելու:
