Հայազգի բռնցքամարտիկ Արթուր Աբրահամի մարզիչ Ուլի Վեգները հուսով է, որ Չարը հաջող հանդես կգա Կլիչկոյի դեմ մենամարտում:
«Բռնցքամարտը Չարի կյանքի փիլիսոփայությունն է: Նա ամբողջությամբ տարված է այդ մարզաձևով: Մանուելը ինձ հետ էր աշխատում, ապա ուրիշ մարզչի, հիմա նորից ուզում է վերադառնալ: Բայց այս պահին ինձ համար բարդ է նրա մարզավիճակը գնահատելը: Այնուամենայնիվ, պետք է նշեմ, որ միշտ գոհ եմ նրա պատրաստականությունից:
Մեր երկու տարվա աշխատանքի ընթացքում նա շատ առաջ գնաց: Սակայն ես հիմա հնարավորություն չունեմ մարզելու նրան Կլիչկոյի հետ մենամարտից առաջ, քանի որ հիմա մարզում եմ իմ մյուս աշխարհի չեմպիոններին, այդ թվում՝ Արթուր Աբրահամին և Պաբլո Էռնանդեսին:
Թեև ընդունում եմ, որ շատ հետաքրքիր կլիներ աշխատել Չարի հետ Կլիչկոյի դեմ մարտից առաջ: Սակայն ոչինչ չեմ կարող անել. պարտականությունները մնում են պարտականություն: Հաջող մարտ եմ մաղթում Չարին»,- ասել է Վեգները: