Իսրայելի խորհրդարանական ընդդիմության առաջնորդ Շաուլ Մոֆազը պահանջել է երկրի վարչապետ Բենիամին Նեթանյահուին ստուգել ստի դետեկտորի միջոցով, գրել է The Jerusalem Post-ը:
Այս կերպ պատգամավորն արձագանքել է սկանդալին, որն առաջացել էր «անվտանգության կաբինետի» նիստից տեղեկատվության արտահոսքի պատճառով, որում քննարկվել էր իրանական թեման:
Նեթանյահուն, ով զայրացել էր ժողովի վերաբերյալ տեղեկությունների հրատարակման պատճառով, պահանջել է Իսրայելի անվտանգության ծառայությունից հետաքննություն անցկացնել և պարզել արտահոսքի աղբյուրը: Դրա համար նա առաջարկել է հանդիպմանը ներկա եղած բոլոր մարդկանց ստուգել ստի դետեկտորի միջոցով:
Հարցի նման դրվածքը զայրացրել էր ընդդիմությանը, որի կարծիքով` վարչապետն է լրագրողներին տեղեկատվություն տրամադրում իրանական խնդրի շուրջ նիստի վերաբերյալ` ելնելով քաղաքական նպատականերից:
«Վարչապետը պետք է լինի առաջինը, ում անհրաժեշտ է ստուգել, քանի որ նա եղել է նիստի նախագահը»,- ասել է Մոֆազը:
Նա նման իրավիճակն անվանել է «անարխիա», երբ մամուլում հայտնվում է տեղեկատվություն «անվտանգության կաբինետի» նիստից, որը փակ կառույց է, և դրա մեջ մտնում են միայն ուժային կառույցների և հատուկ ծառայությունների բարձրագույն ղեկավարները: Դրա հետ մեկտեղ Մոֆազը արտահոսքի անհայտ աղբյուրին մեղադրել է պետական գաղտնիքները բացահայտելու, «անվտանգության կաբինետի» հանդեպ իսրայելցիների վստահությունը կորցնելու մեջ:
