GQ ամսագրի բրիտանական հրատարակությունը երգչուհի Լանա դել Ռեյին տարվա կին է ճանաչել: Հանդիսավոր արարողությունը, որի ժամանակ 26-ամյա կատարողը ստացել է իր մրցանակը, տեղի է ունեցել Լոնդոնում սեպտեմբերի 5-ի երեկոյան: Ավելի վաղ դել Ռեյը բրիտանական GQ-ի համար նկարահանվել է մերկ վիճակում:
GQ-ի խմբագրությունը նշել է, որ Լանային առանձնացնելու որոշում ընդունվել է շոու-բիզնեսում նրա առաջխաղացման համար: Հրատարակության կարծիքով` 2012-ը երգչուհու համար շատ հաջող է եղել. նա թողարկել է Born To Die ձայնասկավառակը, որն առաջին հորիզոնականն է զբաղեցրել բրիտանական հիթ-շքերթում, մի քանի գովազդային պայմանագիր է կնքել և դարձել «անձ, որին քննարկում են»:
2011-ին բրիտանական GQ-ը տարվա կին է ճանաչել հոլանդացի մոդել Լարա Սթոունին:
