Մեծ Բրիտանիայի վարչապետ Դևիդ Քեմերոնը ITV հեռուստաալիքի եթերում դեմ է հանդես եկել է սերիական գողին արդարացրած և ազատ արձակած դատավորին: Այս մասին հաղորդում է The Daily Mail-ը:
Հանցագործ Ռիչարդ Ռոչֆորդին սպառնում էր 2,5 տարվա ազատազրկում: Դատավոր Փիթեր Բաուերսը հայտնել է, որ միգուցե իրեն անարգանքի սյանը գամեն նման որոշման համար, սակայն ինքը կարծում է, որ մեծ քաջություն է պետք դիմացինի տուն մտնելու ու թալանելու համար: Փաստացի, դատավորը գովել է 5 օրվա ընթացքում 3 տուն թալանողի քաջությունը:
2 անգամ թալանի ենթարկված վարչապետ Դևիդ Քեմերոնը զայրացած առարկել է՝ ասելով, որ գողությունը ոչ թե քաջություն է, այլ վախկոտություն, և որ գողերը պետք է բանտում հայտնվեն:
Դատավորի անփույթ խոսքերը հարուցել են ոչ միայն գործադիր, այլև դատական իշխանությունների զայրույթը: Նա իր հայտարարությամբ փորձել է կանաչ լույս վառել հանցագործների համար: Թե ինչ ընթացք կստանա գործը, հայտնի չէ: