Աշխարհահռչակ իտալացի տենոր Լուչիանո Պավարոտտին ծնվել է 1935թ. Մոդենա քաղաքում` Իտալիայի հյուսիսում՝ հացթուխի ընտանիքում: Երաժշտության նկատմամբ սերը նա ժառանգել է հորից, ում հետ երգել է Մոդենայի երգչախմբում:
Վոկալի դասեր է վերցրել մոդենաբնակ բելկանտո Արրիգո Պոլայի մոտ, ապա հայտնի ուսուցիչ Էտտորե Կամպոգալյանիի մոտ:
Ստեղծագործական կարիերան սկսվել է Ռեջիո-Էմիլիայում կայացած միջազգային մրցույթում հաղթանակով 1961թ.: 1966թ. կայացել է Պավարոտտիի դեբյուտը «Լա Սկալա» միլանյան թատրոնում (Տիբալտի պարտիան Վինչենցո Բելլինիի «Կապուլետտներ և Մոնտեկիներ» ստեղծագործությունից):
Նա դարձավ օպերայի պատմության մեջ առաջին տենորը, ով երգեց բոլոր 9 բարձր դո-երը Quel destin օպերայում:
Պավարոտտին հիմնականում մասնագիտացած էր լիրիկական բելկանտո պարտիաների կատարման մեջ:
1970-1980-ականներին երգիչն սկսեց հաճախ ելույթ ունենալ հեռուստատեսությամբ, հանդես գալ զանգվածային միջոցառումներին:
1990թ. սկսվեց հայտնի «Երեք տենոր» նախագիծը, որը կոչված էր օպերային խաղացանկը հասցնել լայն հանրությանը: Տրիոյի համատեղ ելույթները շարունակվեցին 15 տարի, թողարկվեցին միլիոնավոր ձայնասկավառակներ:
Երգիչը բազմաթիվ ձայնագրություններ ունի առաջին մեծության փոփ ու ռոք աստղերի հետ:
1992-ից սկսած` Պավարոտտին մասնակցեց «Պավարոտտին ու ընկերները» բարեգործական համերգներին: Նախագիծն ունեցավ հսկայական հաջողություն ռոք երաժիշտների մասնակցության շնորհիվ:
Պավարոտտին ձայնագրել է ավելի քան 100 ձայնասկավառակ:
2006թ. նրա մոտ հայտնաբերվեց ենթաստամոքսային գեղձի չարորակ ուռուցք: 2007թ. սեպտեմբերի 6-ի առավոտյան Պավարոտտին մահացավ Մոդենայի իր առանձնատանը:
Երգիչը թաղված է Մոդենայի մերձակա Մոնտալե Ռանգոնե գերեզմանատանը:
