Լոնդոնի Ալբերտ և Վիկտորիա թանգարանը հայտարարել է 2013 թ. մարտից հուլիս 28-ը նախատեսած ցուցահանդեսի մասին, որը նվիրված է Դևիդ Բոուի ստեղծագործությանը: Ավելի վաղ Բոուն հայտարարությամբ էր հանդես եկել`ասելով, որ ինքը որևէ կապ չունի նախատեսվող ցուցահանդեսի հետ:
Կազմակերպիչներին թույլատրվել է մտնել երաժշտի Նյու Յուքում գտնվող անձնական արխիվի մեջ, որտեղ կար 60 000 հնարավոր ցուցանմուշ, սակայն դրանցից առանձնացվել է 300 օրինակ:
Ցուդահանդեսի շրջանակներում ցուցարդվելու են երգերի ձեռագիր բնօրինակները` Բոուի տեքստերով, նրա օրագրերը և նկարները, երաժշտական գործիքները, տեսանյութերը, լուսանկարները, աուդիոնյութերը, ինչպես նաև բեմական հագուստները: Այցելուները կարող են դիտել նաև Բոուի բացառիիկ տեսահոլովակները, նրա մասնակցությամբ ֆիլմերը`«Մարդ, որն ընկել է Երկրի վրա» և «Լաբիրինթոս»:
Հավելենք, որ երգիչը, ով համարվում է մեր օրերի ամենազդեցիկ երաժիշտներից մեկը, 2003 թ. հետո ալբոմ չի թողարկել, և 2006 թ.-ից հետո համերգ չի կազմակերպել: Նրա շրջապատի կարծիքով՝ 65-ամյա արվեստագետը կորցրել է իր հետաքրքրությունը ստեղծագործելու հանդեպ:
Նախատեսվում է, որ Լոնդոնից հետո այս ցուցահանդեսը կբացվի նաև Մեծ Բրիտանիայի այլ քաղաքներում և պետության սահմաններից դուրս:
