The Los Angeles Times թերթի լրագրողների ձեռքն է ընկել Մայքլ Ջեքսոնի 2009-ի շրջագայության կազմակերպիչների նամակագրությունը: Շրջագայությունը պետք է կոչվեր This Is It: Էլեկտրոնային նամակներում գրված է, որ երգչի հոգեկան և ֆիզիկական առողջությունն իրենց շատ է մտահոգում:
«Ջեքսոնը փակվել է իր հանդերձարանում, նա հարբած է և տխուր»,- գրել է AEG համերգային ընկերության աշխատակից Ռենդի Ֆիլիպսը դրա նախագահ Թիմ Լեյվեկին:
Սա լրագրողների ձեռքն ընկած հաղորդագրություններից մեկն է: Դրանք 250-ն են, փոխանցում է Newsru-ն:
Քանի որ այդ նամակներից հասկանալի է դառնում, որ Ջեքսոնի վերջին օրերը բնութագրվել են զգացմունքային անհավասարակշռությամբ, ապագայում այդ նամակները կարող են օգտագործվել շրջագայության կազմակերպիչների դեմ, որոնց բազմիցս մեղադրել են Մայքլի առողջության և հանդիսատեսի առջև ելույթ ունենալու նրա հնարավորության մասին տվյալները կեղծելու մեջ:
Հիշեցնենք` Մայքլ Ջեքսոնը մահացել է 2009-ի հունիսի 25-ին` ուժեղ ցավազրկող պրոպոֆոլ դեղամիջոցի չարաշահումից:
Անցած տարվա նոյեմբերին Ջեքսոնի անձնական բժիշկ Քոնրադ Մյուրրեյը երգչի ոչ դիտավորյալ սպանության համար դատապարտվել էր 4 տարի ազատազրկման:
