Լիբիայի առաջնորդ Մուամմար Քադդաֆիի անձնական օդաչու, Նորվեգիայի քաղաքացի Օդդ Բիրգեր Յոհանսենը ընտանիքի հետ միասին փախել է Լիբիայից, հաղորդում է TV2 հեռուստաընկերությունը:
Ժամանելով Ավստրիայի մայրաքաղաք Վիեննա` նա հայտարարել է, որ չի ցանկացել մնալ այդ երկրում, քանի որ իրավիճակը ծայրաստիճան սրվել է: «Ես հերոս չեմ, այդ իսկ պատճառով որոշեցի վերադառնալ տուն»,- ասել է Յոհանսենը:
Նա նաև տեղեկացրել է, որ հայրենիք վերադառնալուն պես պատմելու է Քադդաֆիի մոտ իր աշխատանքի և լիբիական բռնակալի կյանքի մասին:
Վերջին օրերին հազարավոր օտարերկրացիներ են հեռանում Լիբիայից, շատ երկրներ հատուկ այդ նպատակով օդանավեր և լաստանավեր են ուղարկում այդ երկիր: