Մեթ Բիսոնեթը, որը հանդես է գալիս «Մարկ Օուեն» կեղծանունով, վրդովմունքից Ուսամա բեն Լադենի սպանության` նախկինում անհայտ մանրամասները բացահայտող գիրք է գրել: Այսպիսի եզրակացության են եկել գործի բոլոր մանրամասներն ուսումնասիրած՝ Ծովային հետևակի վետերանները,- հայտնում են ամերիկյան ԶԼՄ-ները:
Պարզվել է, որ Բիսոնեթը 14 տարի ծովային հետևակում է ծառայել: Անցյալ տարի նա խոսել է զինված ուժերը լքելու և սեփական բիզնես հիմնելու իր ծրագրի մասին և անմիջապես հեռացվել է բանակից:
«Այսպես են նրան վարձահատույց եղել 14 տարվա ռազմական ազնիվ ծառայության համար»,- ասված է գրքի հանձնարարականում (անոտացիա), որը մոտ ապագայում հնարավոր կլինի ձեռք բերել համացանցում:
Դրա հեղինակներն ասում են, որ իրենք շփվել են ինչպես Բիսոնեթի, այնպես էլ նրա ծառայակիցների հետ:
Հիշեցնենք. «Դժվար օր» գրքում հերքվում է Ուսամա բեն Լադենի ոչնչացման պաշտոնական վարկածը: Ծովայինը հերքել է տեղեկությունը, թե «Ալ-Քաիդայի» ղեկավարը զինված դիմադրություն է ցույց տվել, նաև՝ որ նրան թաղել են մուսուլմանական սովորույթներով, իսկ օվկիանոս նետելուց առաջ նրա մարմնին ամենայն հարգանքով են վերաբերվել:
