Եմենի ռազմաօդային ուժերի կործանիչները կիրակի օրը օդից հարվածել են խաղաղ բնակիչների, ոչ թե «Ալ-Քաիդայի» զինյալների երկու մեքենաների: Արդյունքում 14 մարդ է զոհվել, որոնց թվում` կանայք և երեխաներ:
Եմենի իշխանությունները պարզում են Ռադա քաղաքում օդային հարվածից զոհվածների և վիրավորների ինքնությունը: Այս մասին տեղեկությունները հակասական են,- հայտնել է կատարյան «Ալ-Ջազիրա» հեռուստաընկերությունը:
«Հինգ մարդ մահացել է, ութը վնասվածք են ստացել: Մենք շարունակում ենք հետաքննությունը` պարզելու համար, թե ովքեր են եղել այդ մարդիկ, և ինչպես են նրանք կապված եղել «Ալ-Քաիդայի» հետ»,- հանրապետության պետական պաշտոնյայի խոսքն է ներկայացնում հեռուստաալիքը:
Այլ տվյալներով, այդ թվում` ռազմաօդային ուժերի, օդային հարձակման զոհ է դարձել 14 խաղաղ բնակիչ, որոնց թվում` կանայք և երեխաներ:
