Amazon-ը վաճառել է Kindle Fire բոլոր պլանշետները,- ասված է ընկերության կայքում տեղադրված մամլո հաղորդագրությունում: Սարքն Amazon-ի ինտերնետ-խանութում այլևս հնարավոր չէ գնել:
Ընկերությունը չի ճշտում` Kindle Fire-ը նորից կվաճառվի՞, թե՞ ոչ, սակայն հայտնում է, որ «ապագայի համար հետաքրքիր նախագծեր» ունի: Հնարավոր է` ընկերությունն ակնարկում է Amazon-ի` սեպտեմբերի 6-ին կայանալիք շնորհանդեսը: Սպասվում է, որ այդ օրը ընկերությունը պլանշետի նոր տարբերակ կներկայացնի, որը կլինի ավելի հզոր, քան առաջին Kindle Fire-ն էր:
Kindle Fire-ի առաջին մոդելը ներկայացվել է 2011-ի սեպտեմբերին: 7 դյույմանոց, 8 գիգաբայթ հիշողությամբ, առանց ներկառուցված GPS տեսախցիկի պլանշետը ճանաչում ստացավ ոչ բարձր գնի շնորհիվ` 199 ԱՄՆ դոլար:
Ըստ Amazon-ի` 2012-ի օգոստոսին Kindle Fire-ը գրավել է պլանշետների ամերիկյան շուկայի 22 տոկոսը: Ընկերությունը Fire-ը համարել է իր պատմության ամենահաջողված արտադրանքը:
