«Արքայական ակումբ»-ի նորեկ, խորվաթ կիսապաշտպան Լուկա Մոդրիչը «Ռեալ» – «Բարսելոնա» դիմակայությունից հետո մեկնաբանել է խաղը:
Հատկանշական է, որ «Տոտենհեմ»-ի նախկին ֆուտբոլիստը երկրորդ կեսին դուրս եկավ խաղադաշտ ու անցկացրեց «Ռեալ»-ի կազմում իր առաջին պաշտոնական հանդիպումը, այն էլ՝ «Բարսելոնա»-ի դեմ:
«Երջանիկ եմ. սա լավագույն մեկնարկն էր, որ կարող էր լինել: Ուզում եմ շնորհակալություն հայտնել երկրպագուներին իրենց աջակցության համար: Կարծում եմ՝ ինձ հաջողվեց օգտակար լինել թիմիս ֆուտբոլիստներին: Երբ դաշտ մտա, մի քիչ հուզված էի, բայց լիովին անցավ հուզմունքս, երբ դիպա գնդակին: Զգացի ու հասկացա, որ իսպանական ֆուտբոլն ավելի շատ է տեխնիկա պահանջում, քան անգլիականը»,- մասնավորապես ասել է Մոդրիչը:
