ՄԱԿ գլխավոր քարտուղար Պան Գի Մունը, ով Թեհրան է ժամանել մասնակցելու Չմիավորման շարժմանը, հայտարարել է, որ նա հանդիպումեր է նախատեսել իրանական բարձրաստիճան պաշտոնյաների, այդ թվում նաև Իրանի հոգևոր առաջնորդ այաթոլլահ Ալի Խամենեի հետ, հաղորդում է Fars-ը:
Պան Գի Մունը Թեհրանի օդանավակայանում ասել է այն մասին, որ նա Իրանի հետ կքննարկի սիրիական ճգնաժամը:
Ավելի վաղ իրանական Mehr News գործակալությունը հաղորդել էր, որ Պան Գի Մունը կհանդիպի Իրանի նախագահ Մահմուդ Ահմադինեժադի հետ:
Իրանի մայրաքաղաք Թեհրանում կիրակի օրը մեկնարկել է Չմիավորման շարժման անդամ-երկրների 16-րդ գագաթնաժողովը:
Իրանի պաշտոնական ներկայացուցիչների հայտարարությունների համաձայն՝ աշխարհի 120 երկրների ներկայացուցիչներ, այդ թվում՝ նախագահներ, վարչապետներ, փոխնախագահներ, կմասնակցեն Չմիավորման շարժմանը:
