Դեղամիջոցների մշակման կենտրոնի հարավաֆրիկացի գիտնականները մի նյութ են ստացել, որը կարող է օգտագործվել մալարիայի դեմ պատվաստանյութի ստեղծման համար, հայտնել է ՀԱՀ-ի գիտության և տեխնոլոգիայի նախարար Նալեդի Պանդորը:
Նրա խոսքով` Քեյփթաունի համալսարանի պրոֆեսոր Քելի Չիբալեի ղեկավարությամբ հետազոտություններով գիտնականները ստացել են արդյունքներ, որոնք հիմք են տվել հետագա կլինիկական ուսումնասիրությունների համար:
Պանդորը խոստովանել է, որ մալարիայի բուժման մասին խոսելու համար դեռ շատ վաղ է, սակայն հույս է հայտնել, որ այդ օրն էլ կգա: Նրա խոսքով` նոր պատվաստանյութի ստեղծմանը մոտ 3 մլն դոլար է ուղղվել,- փոխանցում է ИТАР-ТАСС-ը:
