Ինչպես հայտնում է Reuters գործակալությունը, չորեքշաբթի օրը Թուրքիայի ավելի քան 3 հազար քաղաքացի լաստանավերի օգնությամբ տարհանվել է լիբիական Բենղազի նավահանգստից:
Թուրքայի ԱԳ նախարար Ահմեդ Դավութօղլուն հայտնել է, որ 1500 քաղաքացիներով լաստանավը դուրս է եկել Բենղազիից առավոտյան 3:30-ին: Մյուս լաստանավը մարդկանց նույն քանակությամբ լիբիական նավահանգստից դուրս է եկել առավոտյան ժամը 5-ին:
Բենղազիից դուրս գալով՝ լաստանավերն ուղղություն է վերցրել դեպի թուրքական Մարմարիս առողջարանական գոտի, որը գտնվում է Միջերկրական ծովեզրին: Ճանապարհորդությունը կտևի 20 ժամ:
Թուրքիայի ԱԳՆ տվյալներով, փետրվարի 24-ին քաղաքացիների հետագա տարհանման համար Լիբիա կգնա Թուրքիայի ՌԾՈՒ-ի լաստանավը:
Լիբիայում ապրում և պայմանագրով աշխատում է Թուրքիայի մոտավորապես 25 հազար քաղաքացի: Նրանց տարհանումը սկսվել փետրվարի 19-ին:
