Լիբիայում տեղի ունեցող դեպքերի և նավթի արդյունահանման ու արտահանման ծավալների կրճատման պատճառով անհանգիստ են միջազգային շուկաները: Երեկ Նյու Յորքի New York Mercantile Exchange (NYMEX) բորսայում WTI (Light Sweet) մակնիշի նավթը զգալիորեն թանկացել է` մեկ օրվա ընթացքում աճելով 7.37 դոլարով և կազմելով 93.57 դոլար/բարել:
Եվրոպական շուկաներում քիչ ավելի հանգիստ էր: Նավթի գինը բարձրացել էր նախորդ օրը, և այսօր նվազելու միտում չկար: InterContinental Exchange Futures Europe (IСE Futures Europe) ապրանքային բորսայում Brent մակնիշի նավթը թանկացել է 0.04 դոլարով` կազմելով 105.78 դոլար/բարել:
Լիբիայի նախագահի երեկվա ելույթից հետո փորձագետները լուրջ մտահոգություն են հայտնում, որ նավթի գնի շեշտակի թանկացում է սպասվում:
