Հայաստանում այսօր 130-ից ավելի ակտիվ սողանքային գոտի կա, որոնք ավելի շատ տարածված են Դիլիջանում և 13-ից ավելի սահմանամերձ բնակավայրերում։
Դրանցից շատերի, ինչպես օրինակ` Առափիի սողանքային գոտու տեղաշարժը վերջին տարիներին ավելի է ակտիվացել ` վտանգելով հարյուրավոր ընտանիքների ճակատագրեր, որոնց` սողանքների վրա գտնվող բնակարանները պիտանի չեն բնակության համար:
ՀՀ տարածքում հակասողանքային և այլ առաջնահերթ միջոցառումների ծրագրի իրականացումը քաղաքաշինության ոլորտի գերակա ուղղություն է հռչակվել, իսկ այս տարի կառավարության հաստատմանը կներկայացվի ՀՀ քաղաքաշինության նախարարության մշակած հակասողանքային հայեցակարգը: ՀՀ կառավարության քննարկմանը ներկայացվելուց հետո քաղաքաշինության նախարարությունը կսկսի իրականացնել հայեցակարգով նախատեսված միջոցառումները:
Նախատեսվում է սկզբում լուծել սողանքավտանգ վայրերի բնակիչներին բնակարաններով ապահովելու հարցը, այնուհետ իրականացնել սողանքային երևույթների մեղմման ծրագիր։