Greenpeace-ի ակտիվիստները հայտարարել են Պեչորյան ծովում (Բարենցի ծովի հարավարևելյան հատված) ռուսական հորատման հարթակ մուտք գործելու մասին: Այս մասին տեղեկությունն օգոստոսի 24-ին հայտնվել է կազմակերպության կայքում:
Օգոստոսի 24-ի վաղ առավոտյան ԱՄՆ-ից, Կանադայից, Ֆինլանդիայից և Գերմանիայից 6 ակտիվիստ մոտորանավակներով հասել են «Պրիռազլոմնայա» հարթակին, բարձրացել դրա վրա ու ճոպանների օգնությամբ ամրացել փարոսին:
Հարթակը «գրաված» ակտիվիստների թվում եղել է Greenpeace International-ի գործադիր տնօրեն Կումի Նայդուն:
Էկոլոգիական շարժման մասնակիցները հայտարարում են, որ առանձնապես լուրջ դիմադրության չեն հանդիպել հարթակ բարձրանալիս:
Ակտիվիստները պահանջում են դադարեցնել նավթային հորատման իրականացումը Արկտիկայում, ինչը չափազանց վնասակար է էկոլոգիայի համար:
