ԵԱՀԿ ղեկավար Մևլութ Չավուշօղլուն ասել է, որ Լեռնային Ղարաբաղի ենթահանձնաժողովի ստեղծման կապակցությամբ, Հայաստանից բացի, ոչ ոք դժգոհություն չի հայտնում, հաղորդում է Regnum-ը:
«Ենթահանձնաժողովը իմ նախաձեռնությամբ չի ստեղծվել, այդ կառույցը գործել է նաև նախկինում»,- ասել է ԵԱՀԿ ղեկավարը:
Նա կոչ է արել Հայաստանի իշխանություններին ու լրատվամիջոցներին ավելի արդար դիրքորոշում ունենալ այս հարցում:
«Ես բազմիցս ասել եմ մեր հայ բարեկամներին` եղեք անկեղծ, մի խաբեք ձեր հասարակությանը: Եթե իմ փոխարեն Հայաստանի ներկայացուցիչ լիներ, ապա նա նույնը կաներ, քանի որ այդ պաշտոնում պետք է անկեղծ լինել: Թող հայկական կողմը ենթահանձնաժողովում գոնե մեկ թուրք մատնանշի: Առավել ևս, որ ենթահանձնաժողովն իմ նախաձեռնությամբ չի ստեղծվել, և այդ հարցը օրակարգում է եղել մինչ ինձ»,- ասել է Չավուշօղլուն:
Լեռնային Ղարաբաղի ԵԱՀԿ ենթահանձնաժողովի վերսկսման մասին որոշումը կայացվել էր ԵԱՀԿ Խորհրդարանական վեհաժողովի հունվարի 27-ի նիստի ժամանակ: