Սյունիքի մարզում արդեն սկսել են 2011թ.-ի գարնանային զորակոչի նախապատրաստական աշխատանքները: Ամեն տարի այն անցկացնելու հրամանի հետ միասին` զինկոմիսարիատները ստանում են նաեւ զինվոր-վարորդներ պատրաստելու առաջադրանք։
Օրերս Կապանի զինկոմիսարիատում բժշկական փորձաքննություն էին անցնում հենց այն պատանիները, ովքեր հայոց բանակում կծառայեն որպես վարորդներ։ Տղաներից շատերն են ցանկանում վարորդ դառնալ, բաց քչերն են պատկերացնում, թե ինչ պատասխանատվություն են վերցնում իրենց ուսերին։
«Մյուս կողմից էլ` պետք է անթերի առողջություն ունենաս, որ կարողանաս վարել այդ մեքենաները»,- նշում է Կապանի զինկոմ Լեոնիդ Գրիգորյանը։ Զինկոմի խոսքով, տարեցտարի զինակոչիկների թիվը պակասում է, մասնավորապես 1993թ.-ին ծնվածների կեսից ավելին այսօր հանրապետությունից դուրս է գտնվում։
