Փետրվարի 11-ից 13-ը Թբիլիսիում հանդիպումներ են կայացել հայկական մի քանի բնապահպանական ոչ կառավարական կազմակերպությունների, Վրաստանի և Ադրբեջանի կանաչների կուսակցությունների ներկայացուցիչների միջև:
Երեք երկրների բնապահպանական կազմակերպություննեը փաստաթուղթ են ստորագրել, ընդունելով, որ առկա հիմնախնդիրները` էներգետիկ անվտանգությունը, բնապահպանական ու պարենային խնդիրները լուրջ մարտահրավերներ են երեք երկրների համար եւ դրանց հաղթահարման համար պետք է միավորեն իրենց ջանքերը:
«Կանաչների կուսակցության» նախագահ Արմենակ Դովլաթյանը «Առաջին լրատվականի» հետ զրույցում նշեց, որ ինքը եւս հրավեր է ստացել, բայց չի մասնակցել, քանզի սա Վրաստանի կազմակերպած հերթական «խաղերից» է եղել:
Դովլաթյանի խոսքերով, որ այս հարցերում վրացիներն իրենց էթիկապես ճիշտ չեն պահում:
Դովլաթյանը նշեց, որ այդ համաձայնագրի կնքմանը Հայաստանից մասնակցել են Մարիամ Սուխուդյանը, «Հանուն կայուն մարդկային զարգացման» ասոցիացիայի նախագահ Կարինե Դանիելյանը, «Էկոլուր»-ի ղեկավար Ինգա Զարաֆյանը, ինչպես նաև «Ժառանգություն» կուսակցությունից են ներկայացուցիչներ եղել:
նշենք, որ մինչև այս տարվա ապրիլ ամիսը` փաստաթուղթը ստորագրած կազմակերպություններն ու կուսակցությունները պետք է առաջիկա 5 տարվա ռազմավարական գործողությունների պլան մշակեն: