Երգչուհի Մադոննան Մոսկվայում կայացած համերգի ժամանակ` օգոստոսի 7-ին, ելույթ է ունեցել` նվիրված Pussy Riot-ի ձերբակալված խմբի անդամների ազատ արձակման:
«Նադյա, Կատյա և Մաշա, ես աղոթում եմ ձեր ազատության համար»,- ավարտել է իր խոսքը երգչուհին:
Այնուհետև նա կատարել է Like a Virgin ստեղծագործությունը: Ինչպես հայտնում են ականատեսները` Մադոննան բեմի վրա կրծկալով է եղել` մեջքին գրված Pussy Riot:
Երեք աղջիկները կալանքի մեջ են գտնվում 2012թ.-ի մարտից: Նրանց մեղադրում են խուլիգանության մեջ` Ամենափրկիչ Քրիստոս տաճարում անցկացրած ակցիայի համար:
Pussy Riot-ի դատավարությունը սկսվել է հուլիսի վերջին: Դատավճիռը հավանաբար կկայացվի այս շաբաթվա վերջին:
