Ավստրալական ընկերությունը որոշել է նոր աշխատակիցների գրավել անվճար գարեջրի միջոցով, գրում է The Daily Mail-ը:
Electrical and Air Conditioning Services ընկերությունը Նոր Հարավային Ուելս նահանգի Մորի քաղաքում որոշել է նման քայլի դիմել, որպեսզի դադարեցնի երիտասարդ մասնագետների շարժը դեպի ավելի մեծ բնակավայրեր: Ինչպես պարզաբանել է ֆիրմայի մենեջեր Էրիկ Սքոթը` վերջին կես տարում իրենց 3 աշխատակիցներ գնացել են աշխատելու ամենախոշոր հանքարդյունաբերական ընկերություններից մեկում:
Electrical and Air Conditioning Services-ը հայտնել է, որ բժշկական ապահովագրությունը և հրապուրիչ արձակուրդայիններն այնքան գրավիչ չեն լինի պոտենցիալ աշխատակիցների շրջանում, որքան անվճար գարեջուրն ամբողջ տարին:
Աշխատանքի ընդունելու մասին հայտարարությունը` անվճար գարեջուր բաժանելու մասին հիշեցումով, տպագրվել է տեղական մամուլում: Աշխատանքի համար պահանջներն են` 18-ից բարձր տարիք, էլեկտրատեխնիկայի մասնագետ:
Ընկերությունից հայտնում են, որ արդեն ստացել է մի քանի հայտ:
