Երեկ` օգոստոսի 6-ին, ավտովթար է տեղի ունեցել Լոռու մարզում: Ժամը 23:00-ի սահմաններում Վանաձոր քաղաքի Թատերական փողոցի բնակիչ, 45-ամյա Արթուր Վարդումյանը, վարելով «Վազ 2106» մակնիշի 26 ՍՕ 008 համարանիշի ավտոմեքենան, Վանաձոր-Ստեփանավան ավտոճանապարհի 1-ին կմ-ի հատվածում դուրս է եկել երթևեկելի գուտուց և շրջվել:
Ֆոտոլրագրող Գագիկ Շամշյանը shamshyan.com-ին հայտնել է, որ վթարի հետևանքով վարորդը տեղափոխվել է Վանաձորի թիվ 1 հիվանդանոց: Դեպքի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի աշխատակիցները` հրամանատարի տեղակալ Մարտին Բալայանի գլխավորությամբ:
Գ. Շամշյանը հայտնել է, որ Ա. Վարդումյանը ՀՀ ՊՆ կայազորային հոսպիտալի բժիշկ է:
Փաստի առթիվ ՃՈ 2-րդ սապայական գումարտակի 5-րդ վաշտի հետաքննիչ Ստեփան Համբարյանի կողմից նյութեր են նախապատրաստվում:
