Ավստրալիայի ոստիկանությունը ձերբակալել է 40-ամյա տղամարդուն՝ մոտ 10 տարի առաջ իրականացրած սպանության համար, հաղորդում է News.com.au գործակալությունը: Հանցագործի զոհը դարձել է վամպիր-կավատը:
28-ամյա Շեյն Չարլզ Էբոտը սպանվել է Մելբրունի հյուսիսում՝ իր տան մոտ՝ հոր և սիրած աղջկա աչքի առաջ: Սպանվածը կյանքի համար գումար էր վաստակում սեռական բնույթի ծառայություններ մատուցելով: Այդ ժամանակ նա գտնվում էր հետաքննության մեջ՝ հաճախորդուհիներից մեկի բռնաբարության համար: Հարցաքնության ժամանակ նրա զոհը հայտարարել էր, որ բռնաբարողը խոստովանել է, որ ինքը վամպիր է:
40-այմա Ուորեն Թոմաս Շին ձերբակալվել է Գոլդ Կոստայում օգոստոսի 7-ին: Նա դարձել է Չարլզ Էբոտի սպանության գործով ձերբակալված երկրորդ կասկածյալը: Եվս մեկ մարդ այդ գործով դատապարտել էր 2008թ.: Ոստիկանությունը շարունակում է երրորդ կասկածյալի որոնման աշխատանքները, որը ենթադրաբար թաքնվում է Թաիլանդում:
Հետաքննությունը ենթադրում է, որ երեք համախոհները ընկերներ են եղել և սերտ կապեր են ունեցել Շեյն Չարլզ Էբոտի հետ: Սպանության դրդապատճառը եղել է վրեժխնդրությունը: Հաղորդվում է նաև, որ մարդասպաններին նրա գտնվելու վայրը, հնարավոր է, պատմել են ոստիկանները: Չարլզ Էբոտի սպանությունից հետո սկսվել է ոստիկանության գործունեության լայնածավալ հետաքննություն:
