Ադրբեջանական Salam News գործակալության փոխանցմամբ՝ Ադրբեջանում Թուրքիայի դեսպան Հուլուսի Քըլըչը մասնակցել է ադրբեջանցի և թուրք գործարարների կազմակերպած հացկերույթին:
Հացկերույթից հետո Հուլուսի Քըլըչը հարգել է երեկ Թուրքիայի Հաքքարի նահանգում PKK-ի կողմից սպանված 8 թուրք զինծառայողների հիշատակը. «Սրբազան Ռամադան ամսին մեր զինվորներն ընկան ծուղակը: Ես բոլորին ցանկանում եմ խաղաղություն այս ամսին: Այս ամիսը խաղաղ է անցնում Թուրքիայում ու Ադրբեջանում:
Սակայն Թուրքիան ու Ադրբեջանը բախվում են իրենց հարևանների կողմից ստեղծված խնդիրներին: Մենք ցանկանում ենք այդ խնդիրների կարգավորում: Մենք չենք հավակնում ոչ մեկի տարածքին: Մեզ համար գլխավորը խաղաղությունն ու անդորրն է»:
