Սաուդյան Արաբիայի թագավոր Աբդալլահի հորեղբորորդի` արքայազն Թալալ բեն Աբդ Ալ-Ազիզը կոչ է երկրում իրականացնել բարեփոխումներ, որպեսզի հնարավոր լինի խուսափել արաբական աշխարհում ծայր առած հուզումների տեղափոխումից թագավորության տարածք: Արքայազնի խոսքերով, Սաուդյան Արաբիայի կառավարությունը պետք է արմատական բարեփոխումներ իրականացնի: Ըստ արքայազնի` թեպետ թագավորը վայելում է ժողովրդի աջակցությունը, սակայն բարեփոխումների հետաձգումը կարող է թանկ նստել Սաուդյան Արաբիայի վրա: Այս մասին հաղորդել է Associated Press գործակալությունը:
Թալալ բեն Աբդ Ալ-Ազիզը դեռ 1960-ականների ստիպված է եղել լքել Սաուդյան Արաբիան, քանի որ նրան մեղադրում էին պետական հեղաշրջում կազմակերպելու մեջ:
Վերջին շրջանում որոշակի բարեփոխումների նշաններ, այդուամենայնիվ, Սաուդյան Արաբիայում երևում են: Մի քանի օր առաջ BBC-ի հեռուստաընկերությունը հայտարարել էր, որ Սաուդյան Արաբիայում պատրաստվում են ստեղծել երկրի պատմության մեջ առաջին քաղաքական կուսակցությունը: Դրա հիմանդիրներ են դարձել գիտնականներ, որոնք կարծում են, որ բարեփոխումների չիրականցման դեպքում Սաուդյան Արաբիան կարող է կրկնել Թունիսի և Եգիպտոսի ճակատագիրը:
