Ադրբեջանական APA լրատվական գործակալության փոխանցմամբ՝ Թուրքիայում իշխող «Արդարություն ու զարգացում» կուսակցության (ԱԶԿ) փոխնախագահ Օմեր Չելիքը հայտարարել է, որ Ասադի ռեժիմը համագործակցում է «Քրդստանի աշխատավորական» կուսակցության (PKK) հետ.
«Եթե Սիրիայի հյուսիսում Թուրքիայի համար առաջանա սպառնալից իրավիճակ և PKK-ի մասնակցությամբ մեր սահմաններին ստեղծվի որևէ կառույց, ապա Անկարան կդիտարկի ռազմական միջամտության հնարավորությունը: Մենք նույնպես պաշտպանում ենք Սիրիայի քրդերի իրավունքները, սակայն թույլ չենք տա ահաբեկչական գործունեության որևէ ձև: Մենք խորհուրդ չենք տալիս այնպիսի քայլեր անել, որոնք կարող են սպառնալիք ստեղծել մեզ համար:
Ոչ ոք չի ցանկանում Սիրիայում Թուրքիայի ռազմական միջամտություն: Ցայժմ այդ հարցը քանիցս հայտնվել է մեր օրակարգում: Ոչ մի երկիր էլ չի ցանկանում ռազմական միջամտություն իրականացնել հարևան երկրի նկատմամբ: Ասադը զենք է բաժանում քրդերին ու համագործակցում է PKK-ի հետ: Ցայժմ PKK-ն Ասադի դեմ որևէ քայլ չի ձեռնարկել»:
