Ըստ մարզում տարածված խոսակցությունների` առաջիկայում հացը նորից է թանկանալու`20 դրամով: Հիշեցնենք, որ փետրվարի 1-ից մարզում 600 գրամանոց հացը վաճառվում է 240 դրամով: Ըստ հացաթխման ձեռնարկությունների ղեկավարների` մեկ հացի արժեքը իրենց վրա ավելի թանկ է նստում ու պիտի վաճառել 270 դրամ: Սակայն մարզպետի հետ ձեռք բերված պայմանավորվածության համաձայն, 600 գրամանոց հացի գինը չի անցել 240-ից: Բայց, սա էլ լուրջ հարված է սոցիալապես անապահով խավերին:
«Օրը 5 հաց պիտի առնեի: 25 կգ-ոց մեկ պարկ այլուրին տալիս եմ 7500դրամ: Ու մեկ ամիս մեր ընտանիքին բավարարում է: Եթե հաց առնեի, 7500դրամը երևի 7-8 օր կհերիքի»,- ասում է կապանցի Զարիկ Հարությունյանը: Վերջինս անհանգստացած է ու մտածում է պարտքով խանութից մի քանի պարկ ալյուր վերցնել.
«Դե եթե ասում են` հացը թանկանալու ա, ապա այլուրն էլ կթանկանա, ոնց ենք անելու, բա…»:
