Երեկ կայացած «Ռոմա»-«Շախտյոր» հանդիպումից հետո Հենրիկ Մխիթարյանը հարցազրույց է տվել Украiна հեռուստաալիքին, որում Հայաստանի հավաքականի առաջատարը հերթական անգամ աչքի է ընկել իրեն հատուկ համեստությամբ:
– Ասա խնդրեմ, 3:2 հաշիվը թո՞ւյլ է տալիս ասել, որ «Շախտյոր»-ն այսօր գործի կեսից ավելին կատարեց:
– Ուզում եմ ասել, որ առաջին խաղում մենք շատ լավ խաղացինք ու հաղթեցինք 3:2 հաշվով, բայց դա ոչ մի դեպքում չպետք է ազդի պատասխան հանդիպման վրա, որովհետև երկրորդ խաղը շատ ավելի ծանր է լինելու, և մենք պետք է անենք ամեն ինչ, որ չսխալվենք. յուրաքանչյուր սխալ կարող է թանկ նստել մեզ վրա։
– Դու երկու տարբեր խաղակեսեր անցկացրիր։ Առաջին կեսում հաճախ էիր սխալվում, իսկ երկրորդում լավ գործեցիր պաշտպանությունում, բայց կրկին փոխանցումների հետ կապված խնդիրներ ունեիր:
– Այո իմ խաղն այնքան էլ լավ չստացվեց, բայց բոլորն էլ սխալվում են, ես պետք է անպայման շտկեմ սխալներս։ Նման խաղերում են մարդիկ կատարելագործվում ։ Կաշխատեմ ինձ վրա, որ հետագայում անսխալ խաղամ։
– Ինչո՞վ են տարբերվում փլեյ-օֆֆ-ի հանդիպումները խմբային փուլում խաղացածներից։
– Զգոնությունը պետք է մաքսիմալ լինի։ Այստեղ մրցակցի հարկի տակ մթնոլորտն այլ է։ Մրցակցի հարկի տակ խաղալը շատ բարդ էր մեզ համար։ Երեք շաբաթ անց «Դոնբաս Արենա»-ում պետք է այնպիսի մթնոլորտ ստեղծենք, որ «Ռոմա»-ն չկարողանա խաղալ մեր դաշտում:
– Դու գիտես, որ Դոնեցկի հանդիպման բոլոր տոմսերն արդեն վաճառված են։ Ի՞նչ կասես երկրպագուներին մարտի 8-ին «Դոնբաս-Արենա»-ում կայանալիք հանդիպումից առաջ։
– Լավ է, որ բոլոր տոմսերը վաճառված են։ Շնորհակալություն երկրպագուներին, որ հավատում են մեզ։ Մենք էլ պետք է ամեն ինչ անենք, որ այդ խաղում էլ հաղթենք ու դուրս գանք քառորդ եզրափակիչ։
