Հուլիսի 24-29 Յուրմալայում անցկացված միջազգային «Նոր ալիք» մրցույթն անցավ բուռն ու դրական մթնոլորտում:
Այս մասին այսօր լրագրողների հետ հանդիպման ժամանակ ասաց «Նոր Ալիք-2012» երգի մրցույթի հայաստանյան ներկայացուցիչ երաժիշտ, երգիչ Սուրեն Առուստամյանը՝ խոսելով մրցութային օրերի շուրջ:
Երգիչը նշեց, որ մինչ համերգը տաս օր փորձեր են անցկացրել Ալեքսանդր Ռևզինի գլխավորությամբ, որը հետագա երաժշտական կարիերայի ընթացքի համար շատ պետքական կլինի:
Նրա խոսքով՝ մրցութային օրերը շատ լավ անցան, բեմից եկող էներգիան հիանալի էր:
«Երկրորդ օրվա երգը և հեղինակային երգը փոխվեցին, քանի որ դրանք ֆորմատային չէին համապատասխանում մրցույթին, քանի որ դա փոփ մրցույթ էր: Երգերը փոխվեցին Անդրեի «Իմ սերը քեզ» և Brandon Stone-ի գրած երգով:
Շնորհակալություն նրան, որ տվեց այդ երգը: Մենք մտածել էինք, որ երգերը կարող են փոփոխվել, բայց հույս ունեինք, որ ոչ: Բայց այդպես եղավ ու շատ լավ անցավ, Ռևզինը ջանք էր թափում, որն իր արդյունքը տվեց»,- մանրամասնեց Սուրեն Առուստամյանը:
Անդրադառնալով մրցույթի իր ֆավորիտներին՝ասաց, որ Ուկրաինայի մասնակիցն էր, իսկ Ռուսաստանի և Իտալիայի մասնակիցները ոչ այնքան լավն էին: Նրա խոսքով՝ երբեք չես հասկանա ժուրիի կրիտերիաները, չես հասկանա, թե ինչն է դուր գալիս, բայց դրա մասին այնտեղ պետք էլ չէր մտածել: Սուրեն Առուստամյանն ասաց, որ մրցույթը տվեց ներքուստ դրական մոտացում շատ հարցերի վերաբերյալ, գնաց և հաճույք ստացավ:
Պատասխանելով հարցին, թե ինչ խոսակցություններ էին Ուկրաինայի մասնակցուհու և իր վերաբերյալ՝ ասաց, որ իրենք լավ ընկերներ ենք, սիրային եռանկյունի էլ չէր ձևավորվել:
«Մրցույթի ընթացքում ծանոթություններ եղան ռուսական էստրադայի երգիչների և այլ անձանց հետ, իսկ ինչպես կանդրադառնա հետագա գործունեությանս վրա, չգիտեմ: Ոճային փոփոխություններ դժվար թե լինեն, այն ինչ Յուրմալայում տեղի ունեցավ այլ էր, այդ տաս օրվա փորձը մաստեր կլաս էր ինձ համար: Անսովոր էր առանց կիտառի դուրս գալ բեմ»,- նկատեց երգիչը:
Համատեղ ասուլիսի ընթացքում «ԱՌՍ» ընկերության, «Արմենիա» հեռուստաընկերության «Նոր Ալիք» մրցույթի հայաստանյան պրոդյուսեր Իրինա Վարդանյանն ասաց, որ մրցույթից առաջ պանիկա էր, որովհետև զգացին, որ երգերը փոխվում են, իսկ դրանք նախապես պարապած երգեր էին, մեզ տվեցին չորս հինգ ժամ մտածելու: Սակայն պրոդյուսերի համոզմամբ՝ ամեն ինչ լավ ստացվեց: