Ըստ ԱԺ ԲՀԿ խմբակցության պատգամավոր Նաիրա Զոհրաբյանի` Միջազգային ճգնաժամային խմբի (ICG) զեկույցն օբյեկտիվ չէ:
«Ես չեմ կարծում, որ Ալիևի հայտարարությունները կարելի է ընկալել որպես պատերազմի լուրջ սպառնալիք: Ես կարծում եմ, որ նա ի վերջո իր էքսցենտրիկ բնավորության մեջ այնքան խոհեմություն ունի հասկանալու համար, որ նման քայլ անելով` ինքն իրեն դատապարտելու է այն վիճակին, ինչին արժանացել է արցախյան պատերազմի հետևանքով»,- «Առաջին լրատվականի» հետ զրույցում նշեց Զոհրաբյանը:
Նրա գնահատմամբ, նմանատիպ զեկույցները ուղղակիորեն ջուր են լցնում ալիևյան ճոռոմաբանության ջրաղացին. «Մի բան հստակ է` մենք պատերազմ չենք ուզում, բայց մեզ պատերազմով վախեցնել հնարավոր չէ: Մեր սկզբունքը մեկն է` ԼՂ ժողովուրդը ինքնորոշվել է միջազգային իրավունքի նորմերին համապատասխան, և դա ուղղակիորեն այլընտրանք չունի»:
