Կինեմատոգրաֆիայի բրիտանական ինստիտուտը (BFI) կազմել է հերթական` «Բոլոր ժամանակների լավագույն ֆիլմերի» վարկանշային աղյուսակը:
Այն գլխավորում է Ալֆրեդ Հիչքոքի «Գլխապտույտ» թրիլերը: Ֆիլմը, որտեղ գլխավոր դերերում հանդես են գալիս Ջեյմս Ստյուարտը, Քիմ Նովակն ու Բարբարա Բել Գեդդեսը, էկրան է դուրս եկել 1958թ.:
Հատկանշական է, որ 1950-ականներին քննադատների արձագանքը ֆիլմի նկատմամբ եղել է շատ զուսպ: Երկրորդ հորիզոնականում Օրսոն Ուելսի «Քաղաքացի Քեյնը» (Citizen Kane) ֆիլմն է: Պատվավոր եռյակը եզրափակում է Յասուձիրո Օձուի «Տոկիոյի պատմությունը»:
BFI-ն նման ցուցակներ է կազմում յուրաքանչյուր 10 տարին մեկ` սկսած 1952-ից:
1952թ. վարկանշային աղյուսակը գլխավորել է Վիտորիա դե Սիկայի «Հեծանիվներ գողացողները», ապա Ուելսի «Քաղաքացի Քեյնը»:
Վարկանշային աղյուսակում ամենանոր ֆիլմը դարձել է Դևիդ Լինչի «Մալհոլանդ Դրայվը» (2001թ.):
