Բելառուսի Մոգիլովյան շրջանում ոստիկանները գյուղական խանութների վաճառողներին փոխանցել են այն մարդկանց լուսանկարներն ու անունները, որոնց խորհուրդ է տրվում մերժել սպիրտային խմիչքի վաճառքը: Այս մասին հայտարարել են տեղի հեռուստաընկերությունները` հղում կատարելով տեղի ոստիկանական բաժանմունքի ղեկավար Ֆյոդոր Բալեյկոյին:
Այս փորձը այլ շրջաններում սկսել է գործադրվել հուլիսից, բայց այդ մասին հայտնի է դարձել միայն հիմա:
Բալեյկոն հաղորդել է, որ խանութներ են տարվել այն մարդկանց լուսանկարներն ու անունները, ովքեր չարաշահում են ալկոհոլային խմիչքները: Այն վայրերում, որտեղ այս փորձը կիրառվում է, չի գրանցվել ոչ մի հանցագործություն:
Ալկոհոլիզմի դեմ պայքարը Բելառուսում մեկ տարի չէ, որ շարունակվում է: Նախագահի հրամանով, նույնիսկ դպրոցներում այսպես կոչված «սթափության դասեր» են անցնում:
