Ինչպես հաղորդում է The New York Times թերթը, 2010թ. օգոստոսին Բարաք Օբաման հանձնարարել է իր փորձագետներին գաղտնի զեկույց պատրաստել արաբական երկրների վերաբերյալ:
Փորձագետներն արդյունքում եկել են եզրակացության, որ շատ կարճ ժամանակահատվածում եթե չիրականացվեն քաղաքական բարեփոխումներ, ապա կարող են հուզումներ սկսվել, մասնավորապես` Եմենում, Եգիպտոսում և Բահրեյնում: Փաստաթղթում եղել են նաև առաջարկություններ այն բանի վերաբերյալ, թե ինչպես պետք է գործել այս իրավիճակում, որպեսզի ԱՄՆ-ի համար կարևոր մերձավորարևելյան դաշնակիցները խնդիրների առաջ չկանգնեն:
Փաստաթղթում նաև շեշտվել է, որ սոցիալական ցանցերը դրանում մեծ դերակատարություն են ունենալու: Այս փաստաթղթի վրա աշխատել են մի շարք փորձագետներ` Օբամայի մերձավորարևելյան հարցերով գլխավոր խորհրդական Դենիս Ռոսի գլխավորությամբ:
