Շվեյցարիայի բնակիչները, որոնք հայտնի են բնության և էկոլոգիայի հանդեպ իրենց ուշադրությամբ, 2010թ.-ին գնել են ավելի շատ հեծանիվ, քան` նոր մեքենա. այս մասին հայտնում են շվեցարական ԶԼՄ-ները:
Շվեյցարիայի հեծանիվների ներմուծման ասոցիացիայի` Velosuisse-ի տվյալներով, անցյալ տարի երկրում վաճառվել է 351 հազար հեծանիվ: Ամենաշատ տարածվածությունն ունեն սպորտային տարբերակները, որոնք վաճառվել են 195 հազար օրինակով: Դեռևս առաջատար դիրք են գրավում լեռնային հեծանիվները 26 դյույմ ունեցող անվադողերով (136 հազար հատ):
Սակայն եթե սպորտային տարատեսակում վիճակագրությունը կայուն է, ապա այսպես կոչված էլեկտրական հեծանիվների վաճառքը մեծ «բում» է ապրում: Խոսքը գնում է այն հեծանիվների մասին, որոնց վրա տեղադրված է մարտկոց և շարժիչ. շարժիչը օգնում է սեղմակների հեշտ պտտմանը, որի արդյուքում քիչ էներգիա է ծախսվում: 2010թ.-ին Շվեյցարիայում վաճառվել է 39 հազար էլեկտրական հեծանիվ, 3 անգամ ավելի շատ, քան 2009թ.-ին, և 22 անգամ շատ, քան 2005թ.-ին:
Միևնույն ժամանակ, ըստ Auto-Suisse մեքենաների ներմուծման շվեյցարական ասոցիացիայի տվյալների, 2010թ.-ին երկրում վաճառվել է 294 հազար նոր մեքենա, 57 հազարով ավելի քիչ, քան հեծանիվները:
Շվեյցարիայի բնակչությունը կազմում է 7,6մլն մարդ: