«Եթե նախկինում Արթուր Հարությունյանին (Պալաչ) պատկանող 259 և 275 համարի երթուղիների վարորդները տեղյակ չէին իրենց սեփականատիրոջ և Գագիկ Ծառուկյանի «բարիշելու» մասին, ապա հիմա գիտեն»,- գրում է «Ժողովուրդ»-ը և հավելում.
«Իսկ թե դրանից ինչ կփոխվի նրանց կյանքում, ապագան ցույց կտա: Առայժմ մի բան է հայտնի՝ անվճար ավտոբուսների քանակը դեռ չի նվազել: «Մեր ղեկավարությունը խոստացել է, որ շուտով բարեգործական ավտոբուսների թիվը կպակասի: Հույսով սպասում ենք, որ էլի դրանք մնալու են միայն ուսանողների համար»,-«ժողովուրդ»-ի հետ զրույցում ասել է 259 համարի Երևան-Աբովյան երթուղու վարորդներից մեկը: Նրա խոսքերով՝ «մեր ղեկավարներն իրար ձեռ են տվել ու բարիշել»»:
