Շտուտգարտի դատախազությունը 2010թ. սեպտեմբերին նոր կայարանի շինարարության դեմ ցույցը ցրած ոստիկաններին կարգադրել է տուգանք վճարել: Այս մասին հաղորդում է SWR-ն՝ վկայակոչելով գերատեսչության ներկայացուցչին: Իրավապահ մարմինների աշխատակիցները մեղավոր են ճանաչվել որոշ ցուցարարների մարմնական վնասվածքներ հասցնելու մեջ: Ցույցերը ցրելու ժամանակ, պաշտոնական տվյալներով, վիրավորվել է շուրջ 100 մարդ: Ցուցարարները պնդում են, որ իրականում տուժել է շուրջ 400 մարդ:
Ոստիկանության գործողություններն այդ ժամանակ բողոքի ալիք բարձրացրին Գերմանիայում: Սոցիալ դեմոկրատների և «Կանաչների» նախաձեռնությամբ ստեղծվեց քնչական կոմիտե, որն արդեն ավարտել է աշխատանքները:
Տուգանքի չափի մասին գերատեսչությունում հրաժարավել են նշել: Հայտնի է միայն, որ ոստիկաններից մեկն արդեն վճարել է այն 6000 եվրոյի չափով:
Ցույցի օրը գերմանական մամուլում ստացել էր «սև հինգշաբթի» անվանումը: Շտուտգարտի դատախազությունը 130 գործ էր բացել ինչպես ոստիկանների, այնպես էլ ցուցարարների դեմ: Ոստիկանությունը ակցիան ցրելու համար օգտագրործել էր ջրցան մեքենաներ և արցունքաբեր գազ:
Ակցիայի մասնակիցները պահանջում էին դադարեցնել Պալատական այգու ծառաահատումը, ինչը անհրաժեշտ էր կայարանի շինարարության համար: Այդ ծրագիրը զանգվածային բողոքի տեղի տվեց, քանի որ շատերը դա համարում էին չարդարացված ծախսաատար: Արդյունքում Բադեն Վյուրտեմբերգի կառավարությունը որոշեց հանրաքվե անցկացնել, որի արդյունքում ձայների մեծամասնությունը, այնուամենայնիվ, տրվեց կայարանի շինարարությանը:
