Անցած ուրբաթ Լոնդոնում Օլիմպիադային բացման արարողության մոգական էֆեկտներն ապշեցրել են հանդիսականներին ու ԶԼՄ-ների ներկայացուցիչներին: Շատերը համարում են, որ այն ամենաշլացուցիչն է եղել մինչ օրս անցկացված օլիմպիական խաղերի բացման արարողությունների մեջ:
Բրիտանական պատմության «միջանցքներով» ռեժիսոր Դենի Բոյլի հիասքանչ ճանապարահորդությունը աշխարհում դիտել է ավելի քան 1 միլիարդ մարդ:
Շոուի ընթացքում երկու պարաշյուտիստներ՝ թագուհի Էլիզաբեթ ΙΙ-ի (կասկադյոր Գերի քոների)և Ջեյմս Բոնդի կերպարանքով իջել են մարզադաշտ:Միևնույն ժամանակ էկրաններին ցուցադրվել է ֆիլմ՝ թագուհու մասնակցությամբ, որի ավարտին նա և 007 գործակալը օդապարիկով իջել են օլիմպիական մարզադաշտ:
Բեմում խոտով ծածկված թմբից (որն իբրև Glastonbury Tor լեռում է), 40 ոտնաչափ բարձրությամբ կաղնի է բարձրացել, որը պատրաստված է եղել պողպատից և ապակեպլաստիկայից: Թմբի ներսում գտնվող պարուրաձև սանդուղքները թույլ են տվել արտիստներին արմատախիլ անել ծառը: Ընդհանուր առմամբ, միջոցառումն ընդգրկել է 15 հազար մետր քառակուսի, որը համարժեք է օլիմպիական 12 լողավազանի չափերին:
18 մետրանոց Voldemort-ը (գեղարվեստական կերպար) մռնչալով անցել է բեմով: Այն ղեկավարվել է լարերի միջոցով:
Ազգային առողջապահական ծառայությանը վերաբերող տեսարանում ներգրավված են եղել Միացյալ թագավորության հիվանդանոցներից 1200 կամավորներ, այդ թվում՝ 600 բուժքույրեր: Հսկա երեխան պատրաստված է եղել ապակեպլաստիկ թղթից: Լուսավորվել են 320 հիվանդանոցային մահճակալներ: Ընդհանուր առմամբ, լուսավորության վրա ծախսվել է 10 միլիոն ֆունտ:
32 «դերասանուհիներ»՝Մարի Փոփինսի կերպարանքով(մանկական գրքերի հերոս), լուսավորված անձրևանոցներով իջել են ներքև լարի միջոցով: Գիշերվա ընթացքում 2000 խամաճիկներ են կիրառվել, որոնք խաղացրել է 737 մարդ:
Այնուհետև ներկայացվել է գործարան՝ 7 ծխնելույզներով՝ յուրաքանչյուրը 100 ոտնաչափ բարձրությամբ: Դրանք ևս բեմի վրա են հայտնվել շնորհիվ ճոպանների:Բեմում ի հայտ են եկել հսկա պողպատե, ալյումինե շարժիչներ և բանվորներ՝ ներկայացնելու արդյունաբերական հեղափոխությունը:
Հաջոդ պատկերը, որը հանդիսատեսին է ներկայացվել բրիտանական ինդուստրալացումից, եղել է հալված պողպատի գետը՝ պիրատեխնիկական ծխով: Դարբինների հարվածներից թռչող կայծերը իրական են եղել: Արտիստների հագին եղել են հրդեհակայուն կոստյումները: Հատուկ էֆեկտների դիզայնը պատկանում է Brighton’s Howard Eton Lighting ընկերությանը:
Չնայած բամբասանքներին, որ Թեմզայով օլիմպիական ջահի նավը Դեվիդ Բեքհեմը չի վարելʽ կազմակերպիչները պնդում են, որ այն նա է վարել, պարզապես անձնակազմի անդամները նրա կողքին էին՝ անվտանգության համար: Թեմզայով օլիմպիական ջահի շրջագայությունն անձամբ նկարահանել է ռեժիսոր Ստեֆեն Դալդրին:
Այնուհետև ներկայացվել է նավը, որը 1948 թվականին առաջին անգամ Բրիտանիա է բերել Արևմտյան Հնդկաստանի էմիգրանտներին:Այն պատրաստված է պողպատե հենալարերից, որոնց վրա ամրացված է թերթի տեսք ունցող գործվածք:
«Հրեշտակային բայքերները». Հրեշտակային հեծանվավազքին մասնակցել է 75հեծանվորդ, որոնցից 70-ը՝ կամավորներ: Նրանց ամրացված են եղել LED լույսերով, կտորից պատրաստված թևեր:
Լուսանկարները՝ The Daily Mail-ի
