Լոնդոնի Օլիմպիական խաղերի բացման արարողությունը դիտել է շուրջ 4 մլրդ մարդ:
10 հազար մասնակից ունեցող շոուի ստեղծման համար ծախսվել է 27 մլն ֆունտ: Այս մասին հայտնում է մրցաշարի պաշտոնական կայքը: Արարողությունը տևել է 4 ժամ:
Լոնդոնի «Օլիմպիական» մարզադաշտում ներկա էր 80 հազար հանդիսական, այդ թվում նաև Մեծ Բրիտանիայի թագուհի Ելիզավետա II-ը: Միջազգային Օլիմպիական կոմիտեի նախագահ Ժակ Ռոգեի ելույթից հետո թագուհի Ելիզավետա II-ը XXX ամառային Օլիմպիական խաղերը հայտարարեց բացված:
Լոնդոնի Օլիմպիադայի բացման արարողության ավարտին վառվեց Օլիմպիական կրակը: Արարողությունն ավարտվեց շքեղ հրավառությամբ և հանրահայտ Փոլ Մաքքարթնիի ելույթով, ով կատարեց The Beatles-ի հայտնի Hey Jude երգը:
Օլիմպիադայի առաջին ոսկե մեդալները կխաղարկվեն արդեն այսօր` հուլիսի 28-ին: Ընդհանուր առմամբ խաղարկվելու են 302 մրցանակներ: Օլիմպիադան կավարտվի օգոստոսի 12-ին:
