Կալիֆոռնիա կատարած նախընտրական այցի ժամանակ նախագահին պաշտպանող հարյուրավոր ոստիկանների ռադիոկապը խափանվել է: Այս մասին տեղեկացնում է Itar-Tass-ը: Տհաճ միջադեպը տեղի է ունեցել այս շաբաթ` Օքլենդ քաղաքում:
Լրագրողների հետ ունեցած հարցազրույցում Օքլենդի ոստիկանության սպաների ասոցիացիայի նախագահ Բարի Դոնելանը հայտարարել է, որ աշխատակիցները մոտ 30 րոպե չեն կարողացել կապվել դիսպետչերակետի հետ, իսկ երբեմն նաև` միմյանց հետ: Դա տեղի է ունեցել խիստ պատասխանատու պահին: Քաղաքի կինոթատրոնում, որի հարևանությամբ ցուցարարների ամբոխն էր, նախագահը իր նախընտրական արշավի համար միջոցներ հավաքելու ակցիա էր իրականացնում: Ռադիոկապի սարքերը խափանվել են այն ժամանակ, երբ Օբաման դուրս է եկել թատրոնից, իսկ ակտիվիստները սկսել են շրջափակել փողոցները:
«Մեղավորը անցած տարի շահագործման դուրս բերված ռադիոկապն է, որը քաղաքի հարկատուներին 18 միլիոն դոլար է արժեցել: Մեր սպաները չեն վստահում այդ համակարգին: Այն իր անհուսալիության պատճառով վտանգավոր դրության մեջ է դնում ոստիկաններին և քաղաքացիներին»,- ասել է Դոնելանը:
Քաղաքի անվտանգության մարմինների ղեկավարությունը կոչ է անում իրավիճակը դրամատիկ չներկայացնել: Նրանց խոսքով` որոշ աշխատակիցների մոտ խափանումներ եղել են, սակայն` ոչ զանգվածային:
