Սիսիանից 3 կմ հեռավորության վրա գտնվող Քարահունջի հնագույն աստղադիտարանը 1994 -1995 թվականներին կատարված հետազոտության արդյունքում պարզվել է, որ աշխարհի հնագույն աստղադիտարանն է. հինավուրց շինություն է, որը ծառայել է որպես արևի Աստծո տաճար, հնագույն ճշգրիտ աստղադիտական սարք:
Քարահունջն անվանում են նաև հայկական Սթոունհունջ:
Ըստ Հերունու վարկածի, Քարահունջը թվագրվում է (Ք.ա. 6-1 հազարամյակներ) մինչև բրոնզի դարի սկիզբը (Ք.ա. 2-րդ հազարամյակ)։ Նշված ժամանակահատվածում Քարահունջի անմիջապես վերևում տեսանելի են եղել Դենեբ, Արկտուրուս, Վեգա և Կապելլա լուսատուները։ Տեղացիները համալիրն անվանում են Դիք-դիք քարեր կամ Զորաց Քարեր, Զորաքարեր. քար+հունչ՝ նշանակում է խոսող քարեր:
Քարահունջում 2012-ի հունիսի 22-ի լույս 23-ի գիշերը կատարած լուսանկարներից գեղարվեստական լուսանկարների շարք է պատրաստել լուսանկարիչ Էդգար Մարուքյանը` ցուցադրելով Քարահունջը Ծիր Կաթին գալակտիկայի և աստղազարդ երկնքի ներքո: Նկարները ոչ միայն վավերագրական են, այլ ունեն ինքնատիպ գեղարվեստական լուծումներ:
Ի դեպ, քարերից շատերի վրա արված անցքերը ճշգրտորեն համապատասխանում են երկնքում աստղերի դասավորվածությանը՝ տվյալ դարաշրջանում:
Ստորև ներկայացված լուսանկարներն արվել են հունիսի 22-ի լույս 23-ի գիշերը՝ ամառային արևադարձի օրը:
