Աշխարհում էլեկտրոնային սարքեր արտադրող ընկերություններից մեկի` Sony-ի բաժնետոմսերի գինն հասել է 24 տարվա նվազագույն գնին: Դա պայմանավորված է Ճապոնիայի արտարժույթի` իենի ամրապնդմամբ: Ինչպես հաղորդում է Bloomberg գործակալությունը, վերջին օրերի ընթացքում դրանց գինը նվազել է 6.2%-ով, ինչը ռեկորդային անկում է սկսած 1987 թվից: 2011 թ. սկզբից Sony-ի կապիտալիզացիան նվազել է 52%-ով:
«Ճապոնական արտահանողներն արդեն լրջորեն զգում են եկամուտների վրա իենի արժևորման ազդեցությունը»,- ասում է Mitsubishi UFJ Morgan Stanley Securities ընկերության փորձագետը: Նրա խոսքերով` ճապոնական հսկան տուժում է նաև հեռուստացույցների վաճառքների նվազման պատճառով, ինչը, ըստ կանխատեսումների, կշարունակվի առաջիկա տարիների ընթացքում: Bloomberg-ը նշում է, որ սա միակ դեպքը չէ, անկում են ապրում նաև Panasonic-ը` 5.7% և Sharp-ը` 5.2%: