Այն բանից հետո, երբ Wikileaks-ը հրապարակեց ամերիկացի դիվանագետների պաշտոնական տեղեկությունները, թուրքական մամուլում Ալիևի արարքը մեկնաբանվեց որպես «դավաճանություն», «կեղծ եղբայրություն» և այլն: Թուրքական մամուլը շարունակում է քննարկել Ադրբեջանի նախագահ Իլհամ Ալիևի` թուրքերի հանդեպ ցուցաբերած «հավատարմությունը»:
Radikal-ը` «Ալիևի հետ եղբայրության ցնցող գաղափարը» հոդվածում գրել է, որ Ադրբեջանի նախագահը փաստորեն դժգոհ է թուրքական իշխանություններից, ինչի մասին էլ ասել է օտարերկրացի դիվանագետներին: «Ալիևը չի ցանկացել, որ Թուրքիան դառնա գազի բաշխիչ հանգույց: Իսկ այդ զարգացումն իր հերթին օրակարգ է բերում Հայաստան-Թուրքիա մերձեցման հարցը»,- նշել է «Radikal»-ը` հիշեցնելով, որ Թուրքիային արհամարհանքով վերաբերված այդ նույն Ադրբեջանը Ռուսաստանի հետ 500 միլիոն խորանարդ մետր գազի վաճառքի պայմանագիր է ստորագրել:
